Author: Oliver Ormar Ingvarsson

Marín nær Íslandsmeistaratitlinum með stæl

Íslandsmeistaramótið utandyra var haldið á Hamranesvelli í Hafnafirði helgina 17-18 júlí og var margt um að vera þegar sveigbogar mættu til leiks á sunnudeginum. En án efa átti Marín Aníta Hilmarsdóttir sitt besta mót hingað til, en einnig mættust Oliver og Haraldur nú í úrslitum og endaði það með tvöföldum bráðabana!!

Marín slær Íslandsmetið með yfirburðum í sveigboga kvenna!

Marín byrjaði mótið eins og í sögu og eftir 36 örvar var útlitið mjög gott með 309 stig. Þá myndu flestir mögulega frjósa upp og ekki ná að gera sitt besta í seinni 36 en þetta var engin veggur fyrir Marín endaði hún með 616 stig eftir 72 örvar! Sem er 17 stiga bæting á metinu sem hún setti úti í París fyrir um mánuði síðan en skorið hennar þar var 599. 616 er 11 stigum hærra en lágmarks skorið fyrir ólympíuleikana og er Marín fyrsti Íslendingurinn sem nær lágmörkunum fyrir ólympíuleikanna í bogfimi og eflaust okkar bjartasta von til að ná sæti fyrir Ísland á ólympíuleikanna í París 2024.
Marín var þó ekki hætt eftir undankeppnina en hún mætti Guðnýu Grétu Eyþórsdóttur frá Skaust í úrslitum en vann þar öruggan sigur 6-0 og náði að hitta fullkomið skor í loka umferðinni eða 10 10 10.
Frábær árangur hjá Marín og eins og alltaf verður spennandi að fylgjast með henni í framtíðinni. Næst á dagskrá hjá Marín er heimsmeistaramót ungmenna sem haldið verður í Pólandi 7-15. ágúst.

Oliver og Haraldur fóru í tvöfaldan bráðabana!

Spennan var svo sannarlega í hámarki í úrslitum sveigboga karla þar sem Oliver Ormar Ingvarsson hjá Boganum og Haraldur Gústafsson úr Skaust mættust. Leikurinn byrjaði jafnt og með 1-1 en svo náði Haraldur að vinna næstu tvær umferðir og setti Oliver í erfiða stöðu með 5-1. Hins vegar svaraði Oliver með að vinna tvær umferðir einnig og var staðan því 5-5 og var því bráðabani, þar er aðeins skotið einni ör og sá sem er næst miðju vinnur. Hins vegar þegar þeir voru báðir búnir að skjóta, voru þeir báðir í 9 og ekki var hægt að mæla hvor örin var nær! þær voru alveg eins og var því dæmt að það þurfi að skjóta aftur. Haraldur skaut góðri ör og lenti aftur í 9 en Oliver náði ekki að skjóta vel og hitti ekki á skotmarkið. Þar með náði Haraldur að verja titilinn sinn sem Íslandsmeistari. Hægt er að sjá viðureignina hér:

Dagur tekur brons í sveigboga

Dagur Örn Fannarsson mætti aftur eftir nokkra mánaða pásu frá bogfimi og náði að sigra Ragnar Þór Hafsteinsson í brons medalíu keppni. Leikurinn virtist vera að sigla í hús fyrir Ragnar í byrjun en Dagur náði sér aftur á strik og vann 6-4.

BF Boginn Íslandsmeistari í Parakeppni 2021

Marín og Oliver náðu einnig að verja titil Bogans í sveigboga parakeppni þegar þau mættu Skaust í úrslitum. Höfðu þau betur þar og unnu öruggan sigur 5-1.

Nói og Ewa Íslandsmeistarar í Trissuboga!

Íslandsmeistaramótið utandyra fór fram á Hamranesvelli í Hafnafirði um helgina og náðu keppendur Bogans miklum yfirburðum á mótinu. Mótið byrjaði á laugardegi og voru þá trissubogar og berbogar sem kepptu. Voru veðurskilirði mun betri en í fyrra og náði sólin smá að gægjast í gegnum skýjin þó það var mest megnis skýjað.

Nói Barkarson

Nói tekur nú Íslandsmeistaratitil utandyra

Nói Barkarson byrjaði vel á mótinu og var efstur í undankeppninni eftir 36 örvar en endaði svo í 3 sæti í undankeppninni með 652. Albert Ólafsson einnig úr Boganum og Íslandsmeistari 2020 endaði á því að vera efstur eftir 72 örvar með 663 stig.
Þeir mættust svo í loka bardaganum um gull medalíuna og hafði þar Nói betur með 136 á móti 127 hjá Albert

Hægt að horfa á gull medalíu keppnina hér
Ewa Ploszaj

Ewa vinnur í Trissuboga Kvenna

Ewa Ploszaj átti einnig frábært mót, endaði næst efst í undankeppninni með 647 en það var sama skor og Anna María Alfreðsdóttir náði en Anna María endaði með fleiri tíur og var því ofar en Ewa.
Það hafði hins vegar ekki áhrif á Ewu þegar þær mættust í úrslitum en baráttan var hörð og voru þær mjög jafnar allan leikinn. Ewa náði þó að halda forustu þegar Anna María datt aftur úr og endaði leikurinn 136-134 Ewu í hag. Náði þar með Ewa að hefna sín síðan í fyrra þegar Anna María hafði betur.

hægt að horfa á viðureign þeirra hér.
Freyja Dís

Freyja Dís með frábæra framistöðu á sínu fyrsta Íslandsmeistaramóti

Freyja Dís Benediktsdóttir er aðeins 16 ára gömul og byrjaði að skjóta fyrir einu ári síðan náði að næla sér í brons medalíu eftir sigur á Astrid Daxböck í brons medalíukeppninni. Freyja byrjaði einnig mjög vel í undankeppninni og var efst eftir fyrstu tvær umferðirnar. Hún endaði í 5 sæti eftir 72 örvar með 591 stig. Hún mætti svo Astrid í brons keppni og eftir fyrstu umferðina var hún 3 stigum undir. En náði fljótt að vinna sig upp og endaði á að vinna 126 – 115. Frábær árangur hjá Freyju og hlökkum til að sjá hana þegar hún mætir næst innandyra í október.

BF Boginn með silvur í parakeppni

BF Boginn tók silvur í parakeppni eða mixed team trissuboga á laugardaginn, voru þau Ewa og Albert sem kepptu fyrir Bogann í úrslitum gegn ÍF Akur. Hafði þar Akur betur eftir spennandi keppni og vann 143-140.

Hægt er að sjá allar niðurstöður úr mótinu hér:
https://www.ianseo.net/Details.php?toId=8805

BF Boginn með 12 Íslandsmeistaratitla á Íslandsmóti Ungmenna 2021

Íslandsmeistaramót Ungmenna 2021 fór fram á Haukavelli í Hafnafirði og kepptu þar okkar bestu ungmenni um Íslandsmeistaratitla. Hér eru helstu úrslit frá mótinu.

Mynd: BFSÍ

Sveigboga úrslit

Íslandsmeistari í Sveigboga kvenna U16: Fanney Sara Gunnarsdóttir
Íslandsmeistari í Sveigboga kvenna U18: Marín Aníta Hilmarsdóttir
Íslandsmeistari í Sveigboga kvenna U21: Valgerður Einarsdóttir Hjaltested

Íslandsmeistari í Sveigboga karla U18: Pétur Már M Birgisson
Íslandsmeistari í Sveigboga karla U21: Oliver Ormar Ingvarsson

Einnig slóu nokkrir af þessum keppendum Íslandsmet:
Marín og Pétur með Íslandsmet í parakeppni sveigboga U18.
Fanney og Jenný með Íslandsmet í liðakeppni sveigboga U16.
Marín og Halla með Íslandsmet í liðakeppni sveigboga U18.

Trissuboga úrslit

Íslandsmeistari í Trissuboga kvenna U18: Freyja Dís Benediktsdóttir
Íslandsmeistari í Trissuboga karla U21: Nói Barkarson

Voru slegin nokkur met einnig í trissuboga:
Nói með Íslandsmet í U21 einstaklinga.
Nói og Sara með Íslandsmet í parakeppni bæði í U21 og opnum flokki.

Mynd: BFSÍ

Nói átti frábært mót

Án efa átti Nói frábært mót og frábæra helgi. Hann sló metið sitt með 646 í U21 flokki á NUM en bætti það svo á Íslandsmóti Ungmenna með 669 stigum sem er aðeins 5 stigum frá Íslandsmetinu í opnum flokki! Verður spennandi að sjá hann keppa á Íslandsmeistaramótinu sem fer fram helgina 17-18 júlí.


Marín Norðurlandameistari 2021

Marín Aníta Hilmarsdóttir sigraði U18 flokk í Sveigboga Kvenna á Norðurlandameistaramóti Ungmenna sem var haldið 3. júlí. Mótið var að þessu sinni haldið sem fjarmót vegna heimsfaraldursins og var því undankeppnin sem skaraði úr sigurvegara. Voru 230 keppendur að keppa að þessu sinn og 19 voru frá Íslandi. Keppti Marín í fjölmennasta flokknum en það voru 27 stelpur sem kepptu í sveigboga U18

Úr neðsta sæti í það efsta

Marín sigraði því undankeppnina og tryggði sér gullið með skorið 633, U18 sveigbogaflokkurinn keppir á 60 metrum. Marín keppti í fyrsta sinn á NUM árið 2018 og var þá í neðstu sætunum, það er því frábær bæting á 3 árum hjá Marín! Hún bætti svo auðvitað nýtt met í U18 kvenna sveigboga. Verður spennandi að fylgjast með henni næstu 3 árin þegar Norðurlandameistaramótið verður aftur haldið með venjulegu sniði.

(Mynd: BFSÍ)

Nói og Oliver með ný Íslandsmet í U21 flokkum

Nói Barkarson setti nýtt met í U21 trissuboga á mótinu með 642 stig, en hann endaði í 6. sæti á NUM.
Oliver Ormar Ingvarsson setti nýtt met í U21 sveigboga með 593 stig og endaði í 5 sæti.

Nói í miðjunni (mynd: BFSÍ)

Nánari greinar um mótið er hægt að finna á archery.is

Þorsteinn með Gull á Íslandsmóti Öldunga 2021

Íslandsmót Öldunga fór fram nú um helgina á Ásvelli í Hafnarfirði. Er þetta í fyrsta sinn sem keppt var á Ásvelli og fengu keppendur ekki skemmtilega heimsókn því hvasst var í veðri þennan dag. Þó það var ekki gul viðvörun á höfuðborgasvæðinu var hvasst og spilaði veðrið sinn part í að gera það erfitt fyrir keppendum.

Þorsteinn með Gull í trissuboga karla 50+

Þorsteinn Halldórsson úr BF Boganum lét veðrið ekki trufla sig, enda þræl vanur að skjóta í vindi, hann endaði með 607 í undankeppninni og vann svo Rúnar Þór Gunnarsson í gull medalíu keppni með yfirburðum, 131 stig gegn 93 stigum.

Lítil mæting var á Íslandsmót öldunga í ár og voru það því einu úrslit sem keppt var um ásamt sveigboga karla 50+ þar sem Haraldur Gústafsson úr Skotfélagi Austurlands (Skaust) tók gullið.

Albert og Sveinbjörg með nýtt Heimsmet!

Hjónin Albert Ólafsson og Sveinbjörg Rósa Sumarliðadóttir settu nýtt heimsmet á heimsbikarmótinu í París nú á dögunum. Settu þau metið í undankeppni para 50+ með 1237 stigum sem er talsvert hærra en metið sem þau áttu einnig áður var 1040 stig.

Sveinbjörg í undankeppninni ásamt Toja Ellison sem endaði með silvur á mótinu

Það er ekki á hverjum degi sem þú getur sagt að þú hafir slegið heimsmet og það er frábær árangur sem Albert og Sveinbjörg hafa náð á heimsbikarmótinu. Þau náðu þó ekki upp úr útslættinum en er baráttan í trissubogaflokki mjög erfið.

Marín með framúrskarandi frammistöðu í París

Marín Aníta Hilmarsdóttir bætti nú á dögunum íslandsmetið í opnum flokki sveigboga kvenna og í U21 sveigboga kvenna með skorið 599. Setti hún það á stórmótinu Archery World Cup í París sem kláraðist svo í gær. Er þetta frábær árangur hjá Marín en hún er aðeins 17 ára gömul.

Gummi og Marín (mynd: World Archery)

Fyrsta stórmót Marínar

Marín keppti einnig á síðustu undankeppni fyrir Ólympíuleikanna og náði þar að bæta metið í U21 flokki með 540. Var það mót haldið nokkrum dögum áður en heimsbikarmótið fór fram. Náði hún því að keppa á tvemur mótum í París á einni viku. Má einnig taka fram að þetta var hennar fyrsta stórmót sem hún tekur þátt í, og var því margt að upplifa og læra. Undir því álagi er mjög góður árangur að ná sinni bestu frammistöðu hingað til og best kvenna á Íslandi frá upphafi, en metið áður var 566.
Marín komst þó ekki upp úr fyrsta útslátt en keppti hún á móti erfiðum andstæðing á heimsbikarmótinu sem var Andreoli Tatiana sem er númer 22 í heiminum.

Marín og Oliver að æfa

Oliver með nýtt U21 sveigboga met í karla flokki

Gummi (Guðmundur Örn Guðjónsson) og Oliver Ormar Ingvarsson kepptu einnig í París á báðum mótunum og náði Oliver að bæta Íslandsmetið í U21 flokki sveigboga karla með 573, en það var áður 567. Komust þeir hvorugir heldur upp úr fyrsta útslætti en baráttan var hörð.

Marín með nýtt met í U21 á fyrsta móti í Innanfélagsmótaröð Bogans

Fyrsta mótið í Innanfélagsmótaröð Bogans fór fram föstudaginn 30. apríl og fór vel á stað og náði hún Marín að bæta Íslandsmetið sitt í U21 með 535 skor. sem er 2 stiga bæting frá síðasta Íslandsmeti sem hún setti einnig. Hún á þó nóg eftir framundan til að hækka metið sitt ennþá meira og verður spennandi að sjá hversu háan þröskuld hún setur fyrir U21 sveigboga kvenna.

Hægt er að sjá niðurstöður úr mótinu hér: https://www.ianseo.net/Details.php?toId=8437

næsta mót veður 10. maí


Hvetjum alla til að kynna sér næstu mót í Innanfélagsmótaröð Bogans, verður næsta mót mánudaginn 10. maí. Getur lesið allt um mótaröðina hér:
https://boginn.is/innanfelagsmotarod-bf-bogans/

Oliver með nýtt U21 met og BF Boginn með 5 ný liðamet!

Mars var góður mánuður fyrir ungmenni okkar áður en þau þurftu svo að hætta að koma á æfingar vegna samkomutakmarkana. Þau náðu þó að taka þátt í mánaðarlegri ungmennadeild BFSÍ og komu þar flottar niðurstöður.

Oliver bætir sitt eigið met um 1 stig

Oliver Ormar Ingvarsson bætti sitt eigið met í U21 flokki í sveigboga með 556 stig. Er það hæðsta skorið hans í keppni í vetur en hann náði 550 stigum á Indoor World Series fjarmótinu. Nú þegar aðeins einn mánuður er eftir af Ungmennadeildinni verður spennandi að sjá hvort hann nái að hækka sig en meira.

4 ný liðamet í trissuboga!

Það er klárt mál að framtíðin í trissubogaflokki á Íslandi er björt. Í mars settu ungmennin úr Boganum ný Íslandsmet og 4 af 5 voru í trissuboga.

Í sveigboga voru þær Fanndís Ósk Halldórsdóttir og Fanney Sara Gunnarsdóttir sem settu nýtt met í félagsliðakeppni kvenna með 867 stigum. Það má bæta við að þær byrjuðu nú rétt eftir áramót þannig frábær árangur hjá þeim strax.

3 met voru slegin í blandaðri liðakeppni (mixed team) í trissuboga:
Í U21 flokki voru það Sara Sigurðardóttir og Nói Barkarson með 1129 stig.
Í U18 flokki voru það Freyja Dís Benediktsdóttir og Daníel Már Ægisson með 1116 stig.
Í U16 flokki voru það Bryndís Eva Harðardóttir og Salvador Di Marzio með 1024 stig.

Svo bættu þær Freyja Dís og Melissa Pampoulie nýtt félagsliðamet í trissuboga kvenna U18 flokki.